Was hettaend iaer gaerae?wind ja genau.
Dae Blog wetti am Bruetschgaer wittmae, will aer wahrschinlich dae einzigi Maensch uf daer andaerae Pazifiksitae isch wo das ueberhaupt list und verschteit ni. Ja denn simmaer denn mal so los gsaeglaet besser gseit gmotoraet und haend oeppae in abschtaend vo zwei schtund immer choennae dae motor flickae. Irgendswo sugt aer luft ah wuessaet aber nid genau wo. Uf all faell ischs miaer viel liaeber ae alti dieseltracktorschwartae an bord z ha, wommaer ab und zue muess flickae weder ae noi wo mae nid weiss was machae daermit. Denn haemmaer no d Anglae dussae gha un ae riesae Fisch het ahbissae. Er het denn grad dae ganz Koeder abgrissae. Aes isch ae Bluemarlin gsi wo sicher oeppae drue Meter zwischaed dae augae gha het. Ja nei was saegi da sicher fuef wenn nid nomehh. Uf all faell isch dae ufaegumpaet und het tue wiae d schissi, will aer dae Koder im Mul gha het. Miaer haettaed aber ueberhaupt kai schacae gha dae ufs Boot z holae. Janusa Gruesch Danusa ni. Denn haemmaer huet no aes Rudel gseh wo wild usaem Wasser usaegumpaet isch. Aes isch wahrschinlich ae Tonfischschwarm gsi. Suescht ischs ufaem Pazifik wiae Bodaeseesaeglae.Ganz ganz langi waellae wo mae kum maerkt und denn hets au fascht niae meh wind als zehn chnoepf, bis jetzt. Hoffentlich aendaeraets denn wenn maer i d Handelswind inaechoemaed. Diae Chrueznatterschpinnae wo da uf boot usbuechst isch het aes naescht gmacht und Jungi uebercho. Sind no ganz haerzigi Tierli. Miaer hand sie jetzt inaes chlisaes Boexli tue und fuaetaeraet si. Dae Skipper persoenlich luegt jetzt, dass sie nid usbuechsaet. Aber vo dae Mueter fahlt immer no jedi Schpur.Wo maer s Nescht entdeckt haend isch diae uf und daevo.Aes git soviel verschteck da uf Board wahrschinlich isch diae zwueschaet dae Waend und dae Bilgae am umaechrabblae ja mal guggen villicht verwuetschaet miaer si ja no...Ja und jetzt simmer chli mit am Genaker am saeglae was ganz guet gaht. Miaer saeglaet oeppae uf 5Grad Sued und 100Grad Wescht zum d Tradewind z verwuetschae, wo denn schtabiler blasae soettaed. D Markesas sind Inslae wo am wietischtae vo jedem Kontinent empfernt sin. Das isch uesae Etappaeziel hihihh. So denn saegi tschuess tschau ade und bis zum naechschtae mal, Liaebi Gruetz
Hans Peter Laeli